Komisioni Qendror i Zgjedhjeve po shqyrton këtë të mërkurë vakancat e krijuara në Kuvendin e Shqipërisë pas dorëzimit të mandateve të deputetëve që do të kandidojnë në zgjedhjet e 14 majit.
Ilir Beqaj në bazë të listave zgjedhore duhej të zëvendësonte Benet Becin, i cili do të kandidojë për Bashkinë Shkodër.
Beqaj nuk ka dorëzuar formularin e dekriminalizimit brenda afatit, ndaj për këtë arsye KQZ ka shpallur moszgjedhshmërinë e tij.
Në radhë është Frrok Gjini, të cilit iu bë thirrja dhe nga KQZ për të dorëzuar dokumentacionin e nevojshëm në mënyrë që të ulet në “karrigen e Benet Becit” në Kuvendin e Shqipërisë.
