Kandidati për Bashkinë e Tiranës Roland Bejko i ftuar në "Drejt" tha se ka pasur komunikime të vazhdueshme me Bashën për zgjedhjet e 14 majit.
Siç, tregoi ai, Basha është në komunikim me mbështetësit e tij brenda PD për ti angazhuar në fushatën zgjedhore në mbështetje të tij.
Bejko: Basha është një deputet si gjithë deputetët e tjerë në Tiranë. Kam pasur disa komunikime me të në lidhje me çështjen e fushatës dhe jam i bindur dhe e di që është në komunikim me të gjithë mbeshtetësit që ka brenda PD për ti karikuar dhe për ti angazhuar në fushatë elektorale.
I pyetur nëse do ta shohim me të në krah në fushatë, ai u përgjigj.
Bejko: Nuk e di kjo është në dorën e zotit Basha. Unë kam nevojë për mbështetjen e gjithëkujt që nuk është non grata, nuk ka probleme me drejtësinë, nuk ka probleme me partnerët ndërkombëtarë dhe që nuk dëmton imazhin tim në fushatë elektorale.
