Në Elbasan për herë të parë në zgjedhjet vendore të 14 majit është votuar në mënyrë elektronike.
Procesi pati vështirësi sidomos për moshën e tretë. Këta të fundit u asistuan në distancë nga operatorët e sistemit dhe në rast se ende procesi ishte i vështirë, u lejua ndihma e familjarëve.
Në shume qendra votimi procesi nisi me vonese për shkak të mosfunksionimit te pajisjes për identifikimin e zgjedhësve. Kjo bëri që të krijoheshin pakënaqësi, radhë të gjata dhe qytetare qe u larguan pa votuar.
Procesi nisi pas 3 orësh kur u urdhërua nga KQZ për identifikim manual
Edhe në këto zgjedhje partitë ndanë akuza të ndërsjellta për prani të personave të paautorizuar në Qendrat e Votimit.
Zyra e shtypit e PS shpërndau foto e video te Deputetit Flamur Noka me qendrën e votimi dhe kandidatit Luciano Boci.
Në Elbasan garuan dy kandidate Gledian Llatja për Partinë socialiste dhe Luçiano Boçi për koalicionin Bashkë Fitojmë.
