Kryeministri Edi Rama i ka uruar festën e Kurban Bajramit të gjithë besimtarëve myslimanë.
Ai ka publikuar një foto të një pëllumbi i cili fluturon mbi një xhami dhe shkruan: Gëzuar Kurban Bajramin!
Mijëra besimtarë u mblodhën sot në sheshin ‘Skënderbej’ për faljen e namazit të Kurban Bajramit në orën 06:00.
Festa e Kurban Bajramit është një nga dy festat më të rëndësishme të besimtarëve muslimanë: Fiter Bajramin dhe Kurban Bajramin.
Kjo festë simbolizon sakrificën dhe mëshirën e madhe për afrimin me Zotin dhe festohet anembanë botës nga të gjithë besimtarët myslimanë.
