Këtë të mërkurë në emisionin “Opinion” u fol për fletërrufetë në kohën e komunizmit. I ftuar ishte edhe Ylli Rakipin që tregoi eksperiencën e tij. Mirëpo Rakipi kishte shkuar me vonesë në emision. E si pasojë, drejtuesi i emisioni “Opinion”, Blendi Fevziu, i kishte bërë një fletërrufe për respektimin e orareve.
“Ju shoku Ylli përse nuk zbatoni normat e shoqërisë sonë? Përse nuk respektoni oraret? Ktheni përgjigje. Përshëndetje revolucionare”, tha Fevziu.
Ndërsa Rakipi u përgjigj duke thënë: Tani unë nuk dua të justifikohem tek kthimi i përgjigjes, por shoku Blendi shoferi im ngatërroi pak rrugën. Por në atë kohë nuk kishe shofer xhanëm.
I pyetur se kujt nga politikanëve do t’i bënte fletërrufe, Ylli Rakipi u përgjigj “Edi Ramës”.
“Do t’i thosha përse t’i shoku Edi mban çorape të kuqe? Ky është zhveshur një herë. Si mund të zhvishet një njeri?”, tha Rakipi.
