Shoferi që aksidentoi me makinë për vdekje një 78-vjeçar në Elbasan, është vënë në pranga nga policia.
Aksidenti ka ndodhur në aksin rrugor “Elbasan-Librazhd, ku 34-vjeçari XH.A ka përplasur këmbësorin O.B 78 vjeç i cili për shkak të dëmeve të marra ka humbur jetën.
Gjithashtu, po në qytetin e Elbasanit, është arrestuar një 33-vjeçar pasi ka ushtruar dhunë ndaj bashkëjetueses së tij. Një 34-vjeçar tjetër po ashtu ka rënë në pranga pasi ka ushtruar dhunë ndaj bashkëshortes së tij.
Në Cërrik një 26-vjeçar është nën hetim pasi dyshohet se ka depozituar një sasi dherash dhe mbetjesh, në shtratin e lumit Devoll, dhe për pasojë ka shkaktuar ndotje të mjedisit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
