Sekretari i përgjithshëm i Partisë Demokratike Gazment Bardhi ka shkruar në një postim në Twitter se SPAK-u është në rrugën e duhur për të ndëshkuar çdo zyrtar të korruptuar.
Ai shkruan se sekuestrimi i inceneratorit të Tiranës është vetëm hapi i parë, por është i domosdoshëm për të bërë drejtësi në aferën korruptive të Edi Ramës dhe Erion Veliaj.
“Sekuestrimi i inceneratorit të Tiranës është vetëm hapi i parë, por i domosdoshëm, i rrugës për të bërë drejtësi për aferën korruptive të Edi Ramës dhe Erjon Veliajt. Paratë e vjedhura qytetarëve duhet të kthehen në buxhetin e shtetit.
Përgjegjësit për këtë aferë duhet të përballen me drejtësinë. SPAK është në rrugën e duhur për të berë realitet ndëshkueshmërinë e çdo zyrtari të lartë të korruptuar. Askush mbi ligjin është më afër se kurrë”,-shkruan Bardhi.
