Merrnin inerte nga shtrati i lumit Shehu i Rrjollit, procedohen penalisht 3 shtetas në Malësinë e Madhe

Shqipëria

Merrnin inerte nga shtrati i lumit Shehu i Rrjollit, procedohen penalisht 3 shtetas në Malësinë e Madhe

Më: 16 shtator 2023 Në ora: 14:13
Foto ilustrim

Tre persona janë proceduar penalisht këtë të shtunë nga policia në Malësinë e Madhe pasi akuzohen për nxjerrje dhe marrje inertesh ilegalisht nga shtrati i lumit Shehu i Rrjollit.

Sipas policisë në kuadër të kësaj ka nisur procedimi penal për shtetasit 56, 37 dhe 20 vjeç, të tre banues në fshatin Gruemirë-Çezme, Malësi e Madhe. Këta shtetas u kapën në flagrancë nga shërbimet e Policisë, duke transportuar me kamion, inerte që i kishin marrë në mënyrë të kundërligjshme, nga shtrati i lumit Shehu i Rrjollit, për qëllime fitimprurëse.

Në cilësinë e provës materiale u sekuestruan një ekskavator që shërbente për gërryerjen e shtratit të lumit dhe një kamion i mbushur me inerte.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

commentFirst article
Sot mund të lexoni Shfletoni kopertinat