Kryetari në detyrë i Bashkisë së Himarës është paraqitur sot në SPAK.
Gazetarja Klodiana Lala raportoi për “BalkanWeb” se Goro ka qëndruar rreth tre orë në Prokurorinë e Posaçme.
Goro ka qenë i pashoqëruar në Prokurorinë e Posaçme dhe pasi doli nuk preferoi të bënte komente, por tha se ishte thirrur për t’u marrë pyetje si çdo qytetar i thjeshtë.
Ai nuk u përgjigj për kallëzimin e bërë pak ditë më parë nga kryetari i zgjedhur i Bashkisë së Himarës Fredi Beleri për shpërdorim detyre.
Kujtojmë se Goro ngelet ende në detyrë, pavarësisht se humbi zgjedhjet e 14 majit, ndërkohë fituesi i garës është Fredi Beleri, ndodhet pas hekurave për blerje votash, duke mos kryer në këto kushte dhe betimin.
