Një 26-vjeçar ka rënë nën prangat e policisë, pasi u kap me disa doza kokaine dhe fara kanabisi me qëllim shitjen e tyre në qytetin e Ballshit.
Gjatë kontrollit fizik të 26-vjeçari XH.S nga fshati Bejar, Mallakastër, iu gjetën dhe iu sekuestruan në cilësinë e provës materiale, 70 gramë lëndë e dyshuar narkotike kokainë, e ndarë në doza, dhe 537 fara të dyshuara të bimës narkotike kanabisi, që posedoheshin me qëllim shitjen në lagje të ndryshme të qytetit të Ballshit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Rasti në hetim.
