Pas miratimit të buxhetit dhe paketës fiskale për 7 minuta nga ana e mazhorancës mes tymuese dhe shpërthimit të shashkave, deputeti i PD, Ervin Salianji është ndalur të flasë për mediat në ambientet e jashtme të Kuvendit.
Ai është shprehur se mazhoranca e ka djegur Kushtetutën, duke shtuar se tanimë parlamenti po funksionin në kushtet e një Junte dhe thekson se ky është buxheti i parë që godet shtresën e mesme atë më demokratike.
“E ka djeg kushtetutën. Po funksionojnë në kushtet e një junte. Duket qartësisht që nuk po bashkëjetohet në mënyrë demokratike.
E pat sot se si në mënyrë tinzare dhe me vrap u miratua buxheti që për herë të parë godet shtresën e mesme.
Do të taksohen deri në 23% profesionet e lira. E pat edhe sot që kishte amandamente nga deputetë e PD dhe u hodhën poshtë.
E keni parë që partnerët ndërkombëtarë, kërkojnë që Shqipëria dhe parlamenti të ketë një rol balancues dhe kontrollues,“ tha ndër të tjera Salianji.
