Ministri i Brendshëm Taulant Balla ka reaguar pas arrestimit në Kosovë të Gëzim Çëlës, i cili njihej edhe si “baroni” i Fushë Kuqes.
Përmes një njoftimi, Balla thotë se operacioni “Forca e Ligjit” do të vijojë të godasë mbi këdo që kujton se do të vijojë t’i fshihet drejtësisë.
Ai përgëzoi Policinë dhe tha se Çela ishte prej shumë kohësh i kërkuar nga drejtësia shqiptare.
Reagimi i Ballës:
Forca e ligjit do të godasë mbi këdo dhe pandërshkueshmëria do të marrë fund ndaj kujtdo që kujton se do të vazhdojë t’i fshihet drejtësisë. Përgëzoj Policinë e Shtetit, e cila në bashkëpunim me një agjenci 🙏të rëndësishme partnere dhe me strukturat ligjzbatuese të Republikës së Kosovës kanë bërë të mundur arrestimin e shtetasit Gëzim Çela, një person i dënuar dhe i kërkuar prej shumë kohësh nga drejtësia në Shqipëri.