Shërbimi Meteorologjik Ushtarak njofton se ditën e premte territori i Shqipërisë do të vijojë të jetë në ndikim të kushteve atmosferike të qendrueshme.
Moti parashikohet të jetë më alternime kthjellimesh dhe vranësira të cilat hera-herës pritet të jenë deri të dendura.
Në orët e mëngjesit përgjatë zonave luginore do të ketë prezencë të mjegullës së dendur.
Era do të jetë me drejtim veriperëndimi me shpejtësi 1-6m/sek, duke bërë që valëzimi në dete të jetë i ulët i forcës 1 ballë.
Temperaturat parashikohen: në zonat malore -2 deri 10 gradë Celsius, në zonat e ulëta 2 deri 16 gradë Celsius, në zonat bregdetare 4 deri 16 gradë Celsius.
