Kuvendi i Shqipërisë sot do të mblidhet sot në seancë plenare, duke nisur nga ora 10:00.
Në pikën e parë të rendit të ditës është interpelanca e kërkuar nga Partia Demokratike me kryeministrin Edi Rama, lidhur me deklaratat e ish-zëvendëskryeministrit Arben Ahmetaj gjatë një interviste televizive, ndërkohë që është shpallur në kërkim nga SPAK.
Në rend të ditës është dhe projektligji për lojërat e fatit, që u hoq nga rendi i ditës seancën e kaluar plenare me kërkesë të mazhorancës.
Gjithashtu pjesë e rendit të ditës është dhe projektligji i sjellë nga qeveria për ta vendosur 22 nëntorin, ditën e alfabetit, në kalendarin e festave zyrtare. Po ashtu në rend të ditës janë dhe dy projektvendime që lidhen me INSTAT dhe me KQZ.
