Studentët e drejtësisë të Universitetit “Luarasi” kanë triumfuar në një konkurs kombëtar. Ata u shpallën fitues në garën e debatit mbi temën ‘JO Korrupsionit, PO Demokracisë’ organizuar nga Komiteti i Helsinkit. Me votim unanim nga ana e jurisë profesioniste kazusi i Luarasit u zgjodh si më i miri, gjë që i hap rrugë studentëve për pilotimin e rastit konkret pranë institucioneve kompetente.
Fakulteti i Drejtësisë Luarasi ka triumfuar në një konkurs të organizuar nga Komiteti Shqiptar i Helsinkit me mbështetje të qeverisë suedeze. Ekipi i studentëve, nën udhëheqjen e pedagogëve të Luarasit u shpallën fitues në garë me një tjetër universitet mbi temën ‘JO Korrupsionit, PO Demokracisë’.
Studentët e fakultetit të drejtësisë së Universitetit Luarasi treguan jo vetëm njohuritë e tyre të thelluara akademike, por edhe angazhimin e palëkundur në ndërtimin e një shoqërie më të drejtë dhe transparente.
Ideja e propozuar nga Universiteti Luarasi u shpall fituese me votim unanim nga ana e jurisë profesioniste gjë që i hap rrugë studentëve për pilotimin e rastit konkret pranë institucioneve kompetente.
Luarasi, prej kohësh një emër suksesi në arsimin e lartë, vijon të ruajë traditën e titujve në konkurse kombëtare e ndërkombëtare, përmes arritjeve te brezit të ri.
Shpallja fitues në Konkursin e Debatit e çon kazusin e studentëve të Drejtësisë te Laurasi drejt një hapi tjetër drejt një të ardhmeje ku drejtësia dhe demokracia nuk cënohen.
