Kryetari i Partisë për Drejtësi Integrim dhe Unitet, Shpëtim Idrizi mori pjesë në përvjetorin e 111-të të masakrës së Selanit.
Në fjalën e tij ai u shpreh se kjo ngjarje e rëndë ishte një sinjal i qartë për popullsinë e zonës së Çamërisë se duhet të largohej nga vendi i tyre.
Ndër të tjera Idrizi theksoi se Greqia ka kryer gjenocidit të programuar në zonën e Çamërisë dhe bashkë me të edhe spastrim etnik, që sipas tij bëri që 90% e popullsisë të shpërngulej nga Çamëria.
“Ishte një sinjal i qartë për popullsinë që duhet të largohej nga Çamëria.
Spastrimi etnik nga Greqia vazhdoi për 30 vjet.
Greqia ka kryer gjenocid të programuar në zonën e Çamërisë.
Ky gjenocid është shoqëruar edhe me spastrim etnik ku 90% e popullsisë u shpërngul.
Kjo ka qenë një vepër e planifikuar, jo e rastësishme.
Nëse ata dhe kush mendon si ata mendon nëse ja arriti qëllimit, të zhduknin Çamërinë, ne jemi këtu pasardhës të gjallë të atyre dhe nuk harrojmë dhe Çamëria është e gjallë dhe në këmbë dhe do të ekzistojë deri sa të jetë edhe çami i fundit”, u shpreh ai.
