Shërbimi Zjarrfikës në Gjirokastër po ndëshkon me masa administrative personat që shkaktojnë zjarre kryesisht në kullota.
Mbrëmjen e djeshme një zjarr problematik në fshatin Dhoksat përfshiu një sipërfaqe bujqësore të porsa korrur me tërshërë. Zjarri rrezikoi të përhapej në një zonë të gjerë duke dëmtuar parcelat e mbjella kryesisht me vreshtari dhe drufrutorë.
U desh ndërhyrja e Shërbimit Zjarrfikës, me automjete dhe efektivë, për lokalizimin dhe shuarjen e zjarrit. Sipas ekspertëve zjarrfikës zjarri është vendosur nga poseduesi i tokës bujqësore me inicialet Gj.Sh, i cili u ndëshkua me gjobë si dhe u bë shoqërimi i tij në policinë lokale.
Zjarrfikësit apelojnë për parandalimin e zjarreve dhe evitimin e dëmeve që shkaktojnë në pyje-kullota.
