Për gazetarin Reldar Dedaj arrestimi dhe lënia në burg e ish-ministrit të Shëndetësisë Ilir Beqaj është një shenjë e qartë që Prokuroria e Posaçme SPAK, nuk është në dorë të kryeministrit Edi Rama.
Në një intervistë për “Ora News”, Dedaj theksoi se SPAK ka goditur gjithmonë kur ka pasur fakte konkrete.
“Ngjarja e arrestimit të Ilir Beqajt është shumë e rëndësishme dhe ngjall shumë besim tek qytetarët sa i përket funksionimit të sistemit të drejtësisë në këtë vend.
Dhe i gjithë problemi është që të goditet korrupsioni shtetëror sepse ai korrupsion, dhe ai krim ka qenë i paprekur nga strukturat e mëparshme të drejtësisë shqiptare.
Beqaj është ministri i tretë që kalon në qelinë e burgut dhe kjo nuk është një lajm që duhet anashkaluar si një gjë normale”, u shpreh ndër të tjera në analizën e tij, gazetari Reldar Dedaj.
