Eksperti i Kriminalistikës, Ervin Karamuço në një intervistë në “ABC e Mëngjesit”, në ABC News foli për atentatet që janë bërë ndaj efektivëve të policisë.
Gjithashtu ai u shpreh se drejtori i policisë së qarkut të Shkodrës është kërcënuar nga bandat, për shkak të goditjeve që i është bërë krimit në këtë zonë.
“Shkodra bën një diferencë shumë të madhe me një pjesën tjetër të vendit. Veriu është më i predispozuar që për shkak të disa eksponentëve që paratë t’i hedhë në fushatë. Dhe kjo bëhet që persona në lidhje me krimin e organizuar të mos kenë më fuqi për të blerë vota.
Drejtori i Policisë së qarkut të Shkodrës, para 3 javësh i thanë “natën mos dil vetëm”. Ai merr kaq shumë kosto sa edhe kërcënohet, dhe kjo tregon që ai e ka ndarë mendjen dhe tregon që do të vendosë rregull. Kjo është “luftë”, doni më shumë se kjo. Tritolet që vendosen çfarë duhet më shumë”, tha ndër të tjera ai.
