Deputeti i PD-së, Luan Baçi në një intervistë në Ora News u shpreh se protesta e PD-së ishte madhështore për demokratët dhe qytetarët.
Baçi: Pushtetarët dhe Mazhoranca e korruptuar është zhgënjyer se nuk priste që të kishte në një kohë shumë të shkurtër të organizimit të një proteste nga PD në kushte shumë të disfavorshme për organizmin e një proteste në temperatura shumë të larta, në një sezon veror ku pjesa dërrmuese e popullsisë ikin me pushime, patëm një mbushje të sheshit në mënyrë që ishte e papritshme nga të gjithë madje edhe nga ne.
Kjo tregon se PD pas zhvillimeve që ka pësuar gjatë tre viteve, ishte një protestë e thirrur nga PD, për PD.
Protesta e parë pas legalizimit të PD, pasi nuk kishim siglën, vulën e flamurin që është mbajtur zvarrë për 3 vite të tëra.
Pas këtij vendimi të gjykatës ku ne u legalizuam një thirrje e një proteste të tillë dhe përgjigjia që bënë demokratët që ishin me mijëra në sheh vërtet që i zhgënjeu mazhorancën dhe qeverinë.
Por ishte një protestë madhështore për demokratët dhe qytetarët e lirë shqiptarë.
