Fredi Beleri kërkon të pezullojë dekretin e presidentit Bajram Begaj për shpalljen e zgjedhjeve për bashkinë e Himarës më 4 gusht.
Sot do të mbahet seanca e radhës në Gjykatën Administrative, ku do të shqyrtohet pretendimi i Belerit.
Avokatja e Fredi Belerit dhe PBDNJ, Klodiana Gjyzari tha se “Presidenti caktoi një date pa skaduar afati që Fredi Beleri te ankimoi vendimin e KQZ, ka te drejte deri me 5 gusht ora 16:00”
Më 5 korrik, Presidenti Bajram Begaj dekretoi 4 gushtin si datë për zgjedhjet e reja në Himarë. Vendimi i presidentit erdhi pasi Komisioni Qendror i Zgjedhjeve vendosi heqjen e mandatit të Belerit si kryebashkiak i Himarës, pas dënimit të tij me formë të prerë me 2 vite burg për korrupsion në zgjedhje.
