Deputeti Tomor Alizoti, i ftuar në rubrikën “opinion” në News24, ka folur më lidhje me ngjarjet e fundit politike në vend dhe kongresin e mbajtur ditën e dielë nga Partia Socialiste.
Ai u shpreh se PS po kthehet në një parti diktaturë, ndërsa shtoi se kongresi ishte më i shëmtuari i bërë nga kjo parti.
“Partia Socialiste është kthyer në një parti diktatoriale. Nuk ka ndodhur në PS e dikurshme me Nanon. Debatohej, sepse demokracia është dialektikë.
Kongresi ishte një nga më të shëmtuarit e organizuar. Në kongres nuk u diskutua asnjë nga problematikat e këtij vendi.
Rama nuk rri dot 100 vite në pushtet pavarësisht çfarë tha në Kongres. Ai ka shkatërruar demokracinë në këtë vend. Rama është produkt i lëpirjes shqiptare. Produkt mediatik, është vetëm një showman dhe askushi. Në demokraci duhet të ketë rebelizëm. Rama ka prodhuar një qeveri piratësh. Kryepirati është vetë ai”, tha ai.
