Me urdhër të ministrisë së Mbrojtjes të Shqipërisë, tre efektivë të Policisë Ushtarake janë dërguar në misionin e Forcës Shumëkombëshe dhe Vëzhgimit në Sinai të Egjiptit.
Në një njoftim të kësaj ministrie, thuhet se Policia Ushtarake e Shqipërisë ka kapacitet që t’iu ndihmojë partnerëve ndërkombëtarë.
“Një mision i rëndësishëm që përfshin tre efektivë të Policisë Ushtarake, të cilët do të kontribuojnë me eksperiencën e tyre për 12 muaj për të përmbushur me përkushtim detyrat në kuadër të MFO.
Ju urojmë efektivëve tanë ta përmbushin me sukses këtë mision fisnik dhe shpresojmë për kthimin e sigurt të tyre në atdhe!”, thuhet në njoftimin e MM-së.
