Tre persona janë vënë në pranga pasi shantazhonin qytetarët për t’i marrë atyre shuma të ndryshme parash.
Në kuadër të operacionit policor të koduar “Xhamlliku”, u dokumentuan dy ngjarje.
Policia ndaloi shtetasin L. K., 20 vjeç, banues në Tiranë, si dhe 2 shtetas të moshës 16 dhe 17 vjeç, për veprën penale “Shtrëngimi me anë të kanosjes ose dhunës për dhënien e pasurisë”.
Ata dyshohet se në bashkëpunim me njëri-tjetrin, shantazhonin persona të ndryshëm, për dhënie pasurie për shuma që varionin deri në 1000 €.
