Alain Berset është emëruar si Sekretar i Përgjithshëm i Këshillit të Evropës.
Ministri për Europën dhe Punët e Jashtme, Igli Hasani ka uruar Berset për detyrën e re, ndërsa thekson se “Lidershipi juaj do të forcojë padyshim vlerat tona të përbashkëta për të drejtat e njeriut, demokracinë dhe shtetin e së drejtës.”
“Urime Alain Berset për marrjen e detyrës si Sekretar i Përgjithshëm i Këshillit të Evropës.
Lidershipi juaj do të forcojë padyshim vlerat tona të përbashkëta për të drejtat e njeriut, demokracinë dhe shtetin e së drejtës.
Mirëpresim vazhdimin e bashkëpunimit tonë!”, shkruan Hasani në rrjetin social X.
Ndërkohë reagimi ka ardhur edhe nga vetë Berset i cili përmes një postimi në rrjetet sociale shprehet së është privilegj që të shërbejë në këtë detyrë.
“Në këtë vit, në 75-vjetorin e Këshillit të Evropës, është e vështirë të përcaktohet sasia e së mirës që bën kjo Organizatë. Në kaq shumë sfida, kjo Organizatë është thelbësore për të garantuar barazinë dhe dinjitetin e çdo individi –
Nëpërmjet tre shtyllave të punës sonë: të drejtat e njeriut, demokracia dhe shteti i së drejtës. Gjatë mandatit tim, do të punoj me ju, pa u lodhur dhe me pasion dhe përkushtim për të ofruar një të ardhme në të cilën çdo evropian mund të jetojë në lirinë që vjen me sigurinë demokratike”, shkruan Berset.
