Drejtuesi politik i PD për qarkun e Fierit, Gazment Bardhi ka zhvilluar një takim me strukturat e degës së PD në Divjakë.
Gjatë këtij takimi Bardhi shprehet se “së bashku me strukturat drejtuese të Degës, nisëm zbatimin e projektit tonë transformues për Divjakën dhe Shqipërinë”.
“Viti që kemi përpara është vit sakrifice, por është edhe viti që të gjithë bashkë të ndërtojmë projektin fitues, projektin që i jep ndryshimin e shumëpritur shumicës dërrmuese të qytetarëve shqiptarë”, ka theksuar ai.
Gjithashtu, Bardhi është shprehur se “12 vjet të keqqeverisje të Edi Ramës janë shumë kohë e çuar dëm për banorët e Bashkisë Divjakë”.
“Braktisja e fermerëve të kësaj zone, mungesa e mbështetjes për bujqësinë dhe abuzimi me fondet e AZHBR dhe fondet e ndihmës nga Bashkimi Europian, kanë një përgjegjës që është korrupsioni i Qeverisë Rama. Ndryshimi i këtij realiteti të trishtë është vetëm në dorën tonë”, ka theksuar ai.
