50 ditë si Ministër i Brendshëm, Ervin Hoxha raportoi në Komisionin e Sigurisë.
“Nuk e kuptova urgjencën dhe alarmin me të cilin është kërkuar kjo seancë, megjithatë në respekt të ligjit dhe këtij komisioni, jam këtu për t’ju përgjigjur të gjitha çështjeve që lidhen me sigurinë dhe problematika të Ministrisë së Brendshme.”
Sipas Hoxhës, numri i vrasjeve krahasuar me një vit më parë është ulur. Ai u ndal me detaje te ngjarjet kriminale të muajve të verës.
“Në periudhën Janar-Gusht 2024, janë 28 vrasje nga 35 vitin e kaluar.“
5 Korrik 2024 – Fier, për motive të dobëta. Autori në pranga
11 Korrik 2024 – Tropojë, konflikt çasti. Autori në pranga
21 Korrik 2024 – Memaliaj, ngjarje e pazbardhur.
6 Gusht 2024 – Sarandë, konflikt familjar. Autori në pranga
8 Gusht 2024 – Tiranë, ngjarja në azil. Motivi nuk është zbardhur. Autori u arrestua në flagrancë. Pranga dhe dy infermierëve.
10 Gusht 2024 – Pogradec, debat momenti. 3 të arrestuar. Hoxha: Të gjitha veprimet e Policisë në vendin e ngjarjes janë në përputhje me ligjin. Prokuroria e klasifikon veprën penale, jo Policia.
19 Gusht 2024 – Velipojë, debat momenti. 2 persona në pranga, në kërkim 2 të tjerë
20 Gusht 2024 – Mirditë, një shtetas u gjet i vrarë me armë zjarri. Ngjarje e pazbardhur
–20 Gusht 2024 – Laprakë, një shtetas mbyti me litar gruan, dy kafshë shtëpiake dhe më pas veten. Motivi familjar nuk dihet.
–22 Gusht 2024 – Memaliaj, vrasja e 72 vjeçarit. U arrestuan 4 persona.
–24 Gusht 2024 – Unaza e Re, një shtetas ka goditur me mjet prerës një tjetër, i cili ka ndërruar jetë. Motivi nuk dihet, autori në pranga.
