LIVE: Tensione! Deputetët e PD thyejnë foltoren, opozita nxjerr jashtë karriget dhe u vë flakën

Pak orë pas zhvillimit të seancës parlamentare, që riktheu incidentet në Kuvend, pasi deputetët e Partisë Demokratike dogjën karriget e tyre, PS ka nisur mbledhjen e firmave për përjashtimin e disa prej tyre.

A2 CNN raporton se PS pas seancës së sotme ka nisur mbledhja e firmave për të kërkuar që të merren masa ndëshkimore për 24 ligjvënës demokratë.

Nuk mungojnë në këtë listë Sekretari i Përgjithshëm i PD, Flamur Noka, i cili u bë protagonist i një incidenti në kufijtë e përplasjes fizike me deputetin socialist Petro Koçi, të cilit i shkuli me forcë mikrofonin.

Po ashtu kërkohet ndëshkimi i kreut të Grupit Parlamentar të PD, Gazment Bardhi, i cili hodhi në drejtim të kryeparlamentares Elisa Spiropali këmbën e një prej karrigeve të shkatërruara të Kuvendit.

LISTA:

Luan Baçi

Dashnor Sula

Agron Gjekmarkaj

Dhurata Çupi

Xhelal Mziu

Ina Zhupa

Gazmend Bardhi

Flamur Noka

Bledion Nallbati

Edi Paloka

Saimir Korreshi

Lefter Gështenja

Zheni Gjergji

Helidon Bushati

Lindita Metaliaj

Flamur Hoxha

Isuf Çela

Kastriot Piroli

Lodovik Hasani

Ramadan Lika

Asllan Dogjani

Qani Xhafa

Kasem Mahmutaj

Edmond Spaho .

Pas kaosit të krijuar në Kuvendin e Shqipërisë nga deputetët e opozitës, kryetarja e parlamentit, Elisa Spiropali, ka reaguar duke thënë se djegia e karrigeve dëshmon nivelin më ekstrem të mungesës së respektit për qytetarët.

Tensionet në sallë dhe mbyllja e seancës, Spiropali thekson se deputetët e PD e kanë kthyer Kuvendin në një skenë krimi.

“Karriget tona janë të qytetarëve” tha një deputet i opozitës! Kjo është shumë e vërtetë dhe prandaj ato karrige janë për t’u respektuar duke u ulur mbi to me peshën e besimit të marrë prej qytetarëve. Djegia e tyre dëshmon nivelin më ekstrem të mungesës së respektit për qytetarët, ligjin dhe institucionet e shtetit demokratik. Fatkeqësisht zjarrin mbi parlamentet e kanë vënë vetëm përbuzësit dhe shkatërruesit më të mëdhenj të demokracisë në historinë e saj. Edhe më fatkeqësisht zjarrvënia e sotme, dhe aktet ekstreme të dhunës brenda sallës, e kanë kthyer Kuvendin në një skenë krimi, për t'u marrë në kqyrje nga organet ligjzbatuese. Keqardhje e thellë”, ka shkruar Spiropalli në Facebook.

Pas përplasjes dhe bllokimit të foltores, deputetët e opozitës kanë nxjerrë karriget jashtë sallës së Kuvendit dhe iu kanë vënë flakën.

Pasi nxorën nga salla karriget dhe u vunë flakën, Gazment Bardhi tha se këtë e bënë për të treguar se ‘nuk janë aty për karriget e tyre’.

I pyetur nëse do të djegin mandatet sërish, ai tha se jo.

“Nuk jemi këtu për karriget tona! Karriget tona janë të qytetarëve.

Djegien e mandateve e bëri një herë kush e bëri dhe ishte shmangie nga bëtaja, ne nuk shmangemi nga beteja. Do na kenë përballë çdo moment”, tha Bardhi.

Ka nisur me përplasje seanca plenare e mbajtur këtë të hënë. Deputetët e Partisë Demokratike kanë bllokuar foltoren në shenjë proteste ndërsa kryeparlamentarja ka tentuar të vijojë seancën normalisht.

Ata kanë hedhur edhe sende të forta në drejtim të kryeparlamentares.

Kjo përplasje vjen pasi deputetët e opozitës paralajmëruan se nuk do të kishte më marrëdhënie institucionale mes opozitarëve dhe mazhorancës në parlament, pas arrestimit të deputetit demokrat Ervin Salianji.

Në ambientet e jashtme të parlamentit deputetët opozitar kanë nxjerrë karriget e u kanë vendosur flakën.

Ka nisur me incidente dhe përplasje kjo seancë parlamentare.

Teksa kryetarja e Kuvendit Elisa Spiropali njoftoi heqjen e mandatit për deputetin Ervin Salianji, deputetët e PD u përplasën me gardën duke thyer foltoren dhe hedhur sende.

Më pas ata morën karriget e tyre dhe dolën në ambientet e jashtme të Kuvendit, ku dhe i vendosën flakën.

Deputetët e Partisë Demokratike po i drejtohen parlamentit për seancën plenare që pritet të nisë pas pak.

Pas përfundimit të mbledhjes së grupit parlamentar të PD, deputetët e opozitës iu sallës së Parlamentit, ndërsa ende nuk dihet ‘skenari’ i tyre.