Policia e Tiranës ka reaguar lidhur me zjarrin që përfshiu azil në Tiranë. Shërbimet e policisë pas njoftimi se në një azil në rrugën “Ali Visha” kishte rënë zjarr, kanë ndërhyrë për t’i ardhur në ndihmë të moshuarve.
Shërbimet e Komisariatit të Policisë Nr. 1, bashkë me shërbimet e Sektorit të Forcës së Posaçme “Shqiponja”, në bashkëpunim me shërbimin zjarrfikës, kanë evakuuar banorët dhe kanë bërë të mundur fikjen e zjarrit. Ndërkohë janë dërguar në spital për ndihmë mjekësore 4 të moshuar, të cilët ndodhen jashtë rrezikut për jetën.
Nga këqyrja e vendit të ngjarjes dhe veprimet e para hetimore dyshohet se zjarri ka rënë aksidentalisht. Sakaq materialet procedurale i kaluan Prokurorisë.
