Gazetari Mentor Kikia në emisionin “Open” në News24 duke komentuar protestën e opozitës, e cila u zhvillua pasditen e së hënës dhe krijoi kaos në Tiranë për rreth 3 orë, tha se djegia e qytetarit me molotov, për shkak se polici e shtyu në drejtim të tij, është e rëndë.
Por Kikia tha se dy rrugë janë: ose do të digjej polici, ose ai do e largonte dhe do digjej qytetari.
“Ishte një veprim që duhet dënuar, por nëse nuk do e largonte do të digjej polici”, tha Kikia, në një debat me deputeten Vokshi.
Kikia tha se dje pati një protestë dhe jo “mosbindje civile”. Në debatin mes tyre, Vokshi tha se policia nuk mbrojti qytetarin, pasi për policinë më e rëndësishme ishte ajo foto e Edi Ramës te selia e PS-së se mbrojtja e qytetarëve.
