Të tjera detaje janë zbardhur nga operacioni policor në Tiranë, ku u zbulua një magazinë e cila ishte kthyer në një “shtëpi bari” për kultivimin e lëndëve narkotike.
Mësohet se magazina ishte pronë shtetërore dhe godina mbikëqyrej nga rojet.
Mësohet se ka qenë kati i dytë i magazinave të kohës së komunizmit, që ishin përshtatur për kultivimin e lëndëve narkotike me anë të llambave.
Magazina e vjetër me drogë u zbulua mbrëmjen e kaluar në rrugën “Hamdi Pepo” në zonën e quajtur “Qyteti i nxënësve”.
Policia ka marrë informacione në rrugë operative dhe në orët e vona të natës komisariati nr.2 dhe sektori kundër narkotikëve në policinë e Tiranës kanë zhvilluar operacionin, i cili po vijon ende.
