Gazetari, Elkier Bushkolaj në një intervistë në Ora News u shpreh se deklaratat e Erdogan për Izraelin nuk ishin të papritura për Ramën por duhej të ishin bërë jashtë xhamisë.
Bushkolaj: Sot do duhej të ishte një ditë gëzimi pasi në fund të ditës Shqipëria ka një objekt kulti me vlera për komunitetin mysliman që sot është edhe komuniteti më i madh në Shqipëri.
Sot për fat të keq nuk ishte një ditë e mirë për Shqipërinë sa i përket raporteve të saj të varësisë me fqinjët apo me shtetet e tjera.
Kur flasim për Turqinë ne kemi një raport shumë tjetër gati 5 shekullor për të paktën dekadën e fundit edhe shekullin e fundit kemi pasur raporte që kanë qenë në të tjera rrethana.
Është një aleat shumë i fuqishëm i Shqipërisë por sot për fat të keq kryeministri i vendit tim dhe presidenti i vendit tim mu dukën si ata krerët e shteteve të ish republikave sovjetike ku shkon kreu i Kremlinit i takon në kryeqytetet e tyre apo kur ata shkonë e takojnë Putinin në Kremlin.
Shqipëria është në një pozicion pak delikat në këtë histori pasi në fund të ditës ka një aleancë jetike me SHBA.
Unë nuk e besoj se ato ishin deklarata të papritura.
Ai e di mirë se cili është roli i Turqisë në atë rajon.
Do kishte qenë shumë më mirë që ajo deklaratë të ishte bërë në ambientet e kryeministrisë dhe jo në një objekt kulti.
