Gazetari Mentor Kikia komentoi në emisionin Now në Euronews Albania deklaratën e bërë një ditë më parë nga Monika Kryemadhi pasi GJKKO la në fuqi masën ndaj ish-presidentit Ilir Meta, e cila tha se ajo duhet të ishte në burg dhe jo Meta.
Kikia u shpreh se gjuha e Kryemadhit lidhet me faktin se gjithë dosja që çoi pas hekurave Metën është ndërtuar mbi bazën e mesazheve dhe bisedave të gjetura në telefonin e saj i sekuestruar më herët nga SPAK.
“Në dosje ato provat apo faktet që hidhen janë në masën dërrmuese të nxjerra nga telefoni i Kryemadhit dhe e gjithë qasja e re e saj me Metën është një lloj përpjekjeje për të kërkuar ndjesën, që telefoni i saj…me mesazhet që kishin mbetur është mbushur dosja dhe përplasja e saj me Metës pasi iu sekuestrua telefoni, ka bërë luftë të madhe kur ju sekuestrua telefoni, ka bërë padi.
Arsyeja pse ndihej e penduar dhe thoshte m’u thaftë dora dhe goja ka të bëjë me përmbajtjen e telefonit që ushqeu dosjen, ndaj thoshte të isha unë në burg jo Meta”, tha Kikia.
