Një tjetër aksident me vdekje ka ndodhur natën e së premtes në bypass-in e Fierit.
Sipas policisë, një 31-vjeçar ka aksidentuar për vdekje një 65-vjeçar, ende të pa identifikuar.
Drejtuesi i mjetit është shoqëruar në stacion policor, raporton A2 CNN.
“Rreth orës 03:00, në bypass-in e Fierit, automjeti tip “Volvo” me drejtues shtetasin O. D., 31 vjeç, banues në Vlorë, ka aksidentuar me pasojë vdekjen një shtetas, rreth 65 vjeç, ende i paidentifikuar. U shoqërua drejtuesi i mjetit në Komisariat, me të cilin po kryhen veprimet procedurale”, tha policia shqiptare.
Grupi hetimor po punon për identifikimin e shtetasit që ka ndërruar jetë dhe për zbardhjen e shkakut të aksidentit.
Mbrëmjen e së shtunës një tjetër aksident ndodhi në aksin rrugor Levan- Tepelenë, në afërsi të vendit të quajtur “24 orarëshi” në Poçem. Për pasojë u lënduan 7 persona mes të cilëve 4 fëmijë.
