Deputeti i Partisë Socialiste Denis Deliu i ftuar në emisionin “Drejt” në “Ora News” u shpreh se nuk i druhet listave që hartohen nga kryesocialisti Edi rama të kandidatëve për deputetë në zgjedhjet parlamentare të vitit 2025.
“Fushatë bëjnë të gjitha partitë politike. PS-ja në këto 3 voite që jam deputet, e kam parë që fushatën e saj e zhvillon çdo ditë në takime me qytetarët dhe patjetër që jemi pra zgjedhjeve dhe kuptohet që gara bëhet më e nxehtë dhe më e fortë.
Por kjo nuk do të thotë që ne fokusohemi përpara fushate. Vetë fakti që PS-ja po udhëheq prej 3 mandatesh do të thotë që ajo nuk ka punuar vetëm në kohë fushate dhe këtë e kam bindje dhe e besoj dhe e shikoj çdo ditë. dhe për pasojë shumë kolegë kanë më shumë se 1 mandat si deputetë”, u shpreh Deliu.
I pyetur lidhur me formulën e përzgjedhur nga kryetari i PS-së Edi Rama për mënyrën e përcaktimit në listat e mbyllura dhe të hapura brenda partisë, Deliu u shpreh se po punon që ai të jetë pjesë e listës së hapur.
“Një deputet që punon me qytetarët dhe është aktiv në komisionet parlamentare për të ngritur ato shqetësime, apo me votën e tij t’i shërbejë qytetarëve. Unë jam nga ata njerëz që edhe me listë të hapur nuk kam frikë të garoj”, u shpreh ndër të tjera ligjvënësi socialist Denis Deliu.
