Të tjera dëshmi kanë dalë nga ngjarja e ndodhur mëngjesin e kësaj të mërkure në Maliq, ku babai plagosi me thikë djalin 15-vjeçar pas një konflikti mes tyre.
Banorët e fshatit shprehen se që familja ishte e rregullt. Prindërit e 15-vjeçarit punonin në bujqësi, ndërsa i mituri ishte fëmija i vetëm i çiftit i cili vazhdonte studimet në Shkollën Profesionale Bujqësore në Korçë.
Fqinjët nuk i njohin si familje problematike. Autori i plagosjes Shpëtim Çuka njihej nga banorët si person pa probleme. Po ashtu edhe 15-vjeçari ishte fëmijë që shkonte rregullisht në shkollë dhe kishte rezultate të mira.
Ndërkohë, në një deklaratë për mediat, xhaxhai i 15-vjeçarit tregoi shkakun e konfliktit mes tyre si dhe gjendjen e adoleshentit.
“Sot më thanë për ngjarjen. Nipi u zu me të atin për një telefon. 15-vjeçari shikonte Tik Tok dhe i ati ia theu telefonin. Djali sot nuk shkoi në shkollë. Nipi është në spital. Më thanë i ati e ka plagosur ne thikë afër veshkave. I ati ankohej për djalin. Ai i jepte lek për në shkollë të birit“.
