Puna për ndërtimin e Unazës së Madhe në kryeqytet vijon, ndërsa punimet janë drejt fundit.
Kryeministri Edi Rama ka postuar në Facebook një video ku tregon për progresin e punimeve në ndërtimin e Unazës së Madhe të Tiranës.
Rama bën me dije se ndërtimi i Unazës së Jashtme në realizimin fizik ka arritur në 80%.
“Unaza e Madhe e Tiranës, ku puna vazhdon pa u ndalur. Ndërtimi i Unazës së Jashtme ku realizimi fizik ka arritur 80%”- shkruan Rama.
Ky është një nga projektet më të rëndësishme infrastrukturore në kryeqytet dhe pritet të lehtësojë trafikun, ndërsa do të lidhë Tiranën me të gjithë rrugët dalëse kombëtare.
