Komentatorja politike, Brizida Gjikondi thotë se presidenti i zgjedhur amerikan, Donald Trump ka qasje pozitive ndaj Ballkanit, teksa dhëndri i tij, Jared Kushner pritet të investojë në Sazan.
Në një studio televizive, Gjikondi u shpreh se Trump ka nuhatje dhe vizion.
“Patjetër që ndikon. Të gjithë e thonë, sidomos njerëzit që bëjnë analiza politike, thonë që Trump dhe marrëdhëniet ndërkombëtare, ka intuitë dhe nuhatje prej biznesmeni. Në çdo marrëdhënie, me Zelensky, me Putinin, me të gjithë. Mënyra si i zgjidh gjërat, i zgjidh tamam si një biznesmen që i bie kokës situatës. Jam e bindur që çështjet, apo lidhjet e tij familjare, dhe ardhja e tij në Ballkan, nuk bëhen vetëm për përfitime financiare.
Ai ka një intuitë të madhe, e di shumë mirë që ndonjëherë gjërat merren me të mirë dhe me këto lloj taktikash, prezenca e tij dhe e familjes së tij, është një nga rrugëzgjidhjet që mendon ai, për të kapur Ballkanin, që ka orientim pro amerikan, më shumë se vendet të tjera të Evropës. E shikoj si një taktikë të mençur prej njeriu me nuhatje dhe biznesmeni. Jam e bindur që Trump. Në fakt, edhe gruaja e Trump është nga Ballkani. Mendoj se ka qasje pozitive ndaj Ballkanit. Mendoj që është vizioni që ka ai, për të pasur prezencë të trashëgueshme në Ballkan. Ai arriti t’i flasë popullit, shumë vota të demokratëve i shkuan Trump”, theksoi ajo.
