Pesë persona raportohet se janë arrestuar në kuadër të operacionit antidrogë në zonën e “Kodrës së Diellit” në Tiranë, ku një vilë ishte përshtatur në punishte droge.
Sipas gazetarit Igli Çelmeta, operacioni u shtri edhe në Kavajë, Shkozet, Vorë, Kamëz, Qerek dhe Tiranë.
Në fabrikën e kokainës të zbuluar në fshatin Qerekë janë sekuestruar 2 kg kokainë dhe përzierës. Ndërsa të Kodra e Diellit është sekuestruar vetëm një sasi droge. Grupi kriminal ndërronte vazhdimisht banesat, kjo për të shmangur rënien në sy dhe humbur gjurmët.
Njëri nga të arrestuarit është nga Venezuela.
Policia ndërmori mbrëmjen e kësaj të premte një operacion masiv në disa zona të vendit. Kontrolle u ushtruan në fshatin Qerekë të Fushë Krujës, te Kodra e Diellit 2 në Tiranë si dhe fshatrat Vishje e Ibë. Po ashtu, mësohet se kontrolle antidrogë janë zhvilluar dhe në disa vila në bregdet.
