Një aksident i rëndë ka ndodhur pasditen e sotme në fshatin Mizë të Divjakës, ku një këmbësor humbi jetën pasi u përplas nga një automjet që drejtohej nga një 39-vjeçare.
Sipas informacionit paraprak, aksidenti ndodhi rreth orës 17:45, kur shtetasja J. K., 39 vjeçe, po drejtonte automjetin dhe goditi këmbësorin S. N., rreth 90 vjeç, i cili u dërgua menjëherë në spital, por për shkak të plagëve të rënda, nuk arriti të mbijetonte.
Një burim nga policia konfirmoi se pas aksidentit, drejtuesja e automjetit, shtetasja J. K., është shoqëruar në Komisariat për veprime të mëtejshme.
Aktualisht, grupi hetimor ka mbërritur në vendngjarje dhe ka nisur hetimet për të sqaruar plotësisht rrethanat e aksidentit.
