Julian Gjoshi, autori i vrasjes së Alfred Dedjas në Ndoq ka dëshmuar para grupit hetimor se krimin e bëri pasi sipas tij 50-vjeçari e kishte sharë atë te persona të tjerë.
Gjoshi është shprehur se ka pasur afrimitet me viktimën, ndaj nuk i ka duruar dot ofendimet dhe e ka vrarë sapo e ka parë në lokal.
Julian Gjoshi autori i vrasjes së Alfred Dedjas i pyetur nga hetuesit është shprehur:
“Ai më shante nëpër tavolina. Unë e mora vesh këtë gjë. Dhe nuk e durova dot. Unë e kam mbajtur me bukë atë. Ai nuk mund të më shajë mua. Erdha për drekë tek Kështjella dhe sa e pashë e vrava”.
Alfred Dedja, i cili jetonte mes Shqipërisë dhe Italisë ishte me precedent penal në fushën e narkotikëve në shtetin fqinj. Ndërsa autori i dyshuar Julian Gjoshi, në Shqipëri është arrestuar për armëmbajtje pa leje.
Motivi ende është i paqartë për hetuesit, se përse Julian Gjoshi vrau ish-bashkëpunëtorin e kunatit.
