Një aksident ka ndodhur mbrëmjen e djeshme në aksin nacional Dimal-Berat, në hyrje të fshatit Moravë.
Shoferi i një automjeti tip Mercedes Benz, që po udhëtonte drejt qytetit të Beratit, ka dalë nga rruga dhe ka përfunduar nga kallamishtet.
Drejtuesi i mjetit, Marjus Mata, 27 vjeç, ka pësuar thyerje në krahun e majtë dhe shembje në disa pjesë të trupit dhe është transportuar me ambulancë drejt Spitalit Rajonal Berat, ku ndodhet nën kujdesin e mjekëve, jashtë rrezikut për jetën.
Atij i është bërë edhe alkool-testi dhe ka rezultuar pa prezencë alkooli.
Në vendngjarje kanë shkuar efektivë të shumtë të policisë rrugore, që kryen këqyrjen e vendit të ngjarjes, për të zbardhur shkaqet dhe dinamikën e aksidentit të ndodhur në këtë aks rrugor, ku mungon ndriçimi në rrugë.
