Një tjetër ngjarje me protagonistë adoleshentët ka ndodhur këtë herë në Kamëz.
Mësohet se një 15-vjeçar ka kanosur me armë zjarri një 16-vjeçar. Policia ka arrestuar autorin adoleshent.
“Kamëz/Finalizohet operacioni policor i koduar “Gun”.
Kanosi me armë zjarri një 16-vjeçar, arrestohet autori i dyshuar.
Sekuestrohen në cilësinë e provës materiale arma e zjarrit pistoletë me krehër dhe municion luftarak.
Shërbimet e Komisariatit të Policisë Nr. 5, në vijim të punës për goditjen e paligjshmërive në çdo formë të shfaqjes së tyre, pas informacionit të marrë se në Valias, një 15-vjeçar kishte kanosur me armë zjarri, një 16-vjeçar, menjëherë kanë organizuar punën për sqarimin e rrethanave të ngjarjes, dokumentimin e plotë ligjor të saj dhe kanë finalizuar operacionin policor të koduar “Gun”.
Gjatë operacionit u arrestua një shtetas 15-vjeç, pasi dyshohet se ditën e djeshme, rreth orës 19:00, në Valias të Ri, ka kanosur me armë zjarri një shtetas 16 vjeç. Arma e zjarrit tip pistoletë, së bashku me krehrin dhe municionin luftarak, u sekuestruan në cilësinë e provës materiale. Materialet i kaluan Prokurorisë”, njofton policia.
