Një tërmet me magnitudë 3.8 të Shkallës Rihter u regjistrua rreth orës 18:01 në Qarkun e Dibrës. Gazetari i News24, Enver Doçi, në një lidhje direkte tha se epiqendra e këtij tërmeti ka qenë në fshatin Qaf Murrë të Njësisë Administrative Selishtë në Bashkinë e Dibrës, fshat i cili ndodhet ngjitur me fshatin Vig të Matit.
Gazetari Doçi tha se lëkundja e tërmetit ka shkaktuar panik te banorët.
Bashkitë Dibër e Mat kanë nisur mbledhjen e të dhënave nga banorët e fshatrave afër epiqendrës së tërmetit.
“Ishte një lëkundje e fortë, banorët kanë dalë nga banesat e tyre. Grupet e emergjencave janë në terren për të parë nëse ka ose jo dëme, ndërsa disa banorë në Qafë Murr kanë njoftuar se banesat e tyre mund të kenë pësuar dëmtime. Banorët kanë frikë se mund të ketë lëkundje të tjera”, tha gazetari Doçi.
