Një aksident me vdekje është shënuar këtë të mërkurë në aksin rrugor Lezhë-Laç.
Gazetari Elidon Ndreka raporton për Balkanweb se dy makina janë përplasur me njëra-tjetrën. Për pasojë, një person ka ndërruar jetë, ndërsa një tjetër është plagosur.
Viktima është identifikuar si shtetasi Dedë Tosku, që po lëvizte me mjet bujqësor. Policia është në vendngjarje dhe po hetohen arsyet e aksidentit.
“Lezhë/Informacion paraprak
Rreth orës 10:00, në aksin rrugor “Lezhë-Laç”, janë përplasur mjeti kamion me drejtues shtetasin Sh. B. dhe mjeti me drejtues shtetasin D. T.
Nga aksidenti ka humbur jetën shtetasi D. T., rreth 65 vjeç. Me drejtuesin e kamionit, shtetasin Sh. B., po kryhen veprimet procedurale.
Grupi hetimor ndodhet në vendngjarje dhe po punon për sqarimin e rrethanave të aksidentit”, njofton policia.
