Kreu i Grupit të PD-së, Gazmend Bardhi, ka reaguar lidhur me mbylljen e TikTok në Shqipëri, duke theksuar se modeli më i keq dhe ndikimi më negativ që fëmijët po shohin është qeverisja e Edi Ramës.
Sipas tij, qeveria ofron mesazhe të gabuara për fëmijët, duke u dhënë ata shembuj të dëmshëm, si nëse vjedh, bëhesh ministër; nëse vret apo trafikon drogë, bëhesh deputet; nëse je militant partie, bëhesh drejtor shkolle, etj.
Bardhi thotë se mbyllja e qeverisë do të ishte një hap më i shëndetshëm dhe garanci më e madhe për rritjen e fëmijëve.
“Faji është tek papërgjegjshmëria e Qeverisë së Edi Ramës, tek mungesa e politikave të duhura në arsim, tek shndërrimi i shumicës së mësuesve në trupë elektorale!”, tha Bardhi.
Postimi i plotë
Modeli dhe ndikimi më i keq tek fëmijët është qeverisja e Edi Ramës!
Ajo i jep modelin fëmijëve se:
nëse vjedh bëhesh ministër;
nëse vret apo trafikon drogë bëhesh deputet;
nëse dhunon dhe bashkëpunon me bandat bëhesh drejtor policie;
nëse je arrogant bëhesh kryetar bashkie;
nëse je militant partie bëhesh drejtor shkolle; apo
nëse je bandit emëron drejtorë dhe fiton tendera.
A nuk është më e shëndetshme për fëmijët dhe garanci më e madhe për mirërritjen e tyre që të mbyllim qeverinë e Edi Ramës?! Sigurisht që PO!
Boll është boll, 12 vjet keqqeverisje dhe gjithmonë një alibi e gatshme që faji është diku tjetër. E vërteta është që faji është tek papërgjegjshmëria e Qeverisë së Edi Ramës, tek mungesa e politikave të duhura në arsim, tek shndërrimi i shumicës së mësuesve në trupë elektorale!
