Policia në Shkodër ka arrestuar një 32-vjeçar, pasi dyshohet se ka kërcënuar dy vëllezër, duke iu marrë celularin dhe 20 mijë lekë të vjetra.
Në pranga ka rënë shtetasi Zikjan Lela. Gjatë operacionit shërbimet e Policisë kanë gjetur dhe sekuestruar në cilësinë e provës materiale shumën e parave dhe celularin që ky shtetas i mori dy vëllezërve.
“Shkodër
Finalizohet operacioni policor i koduar “Return”.
Ju mori nën kërcënimin e armës telefonin dy vëllezërve dhe ju kërkoi një shumë parash për t’ju kthyer telefonin, Policia kap dhe vë në pranga autorin.
Sekuestrohen në cilësinë e provës materiale shuma e parave dhe celulari që autori u mori dy vëllezërve.
Shërbimet e Komisariatit të Policisë Shkodër, në kuadër të operacionit policor të koduar “Return”, kapën dhe vunë në pranga shtetasin Z. L., 32 vjeç, lindur në Tiranë dhe banues në Shkodër .
Ky shtetas në lagjen “Qemal Stafa” dyshohet se nën kërcënimin e armës, i ka marrë një celular shtetasit E. M., 24 vjeç, i cili ishte së bashku me vëllain e tij, dhe një ditë 32-vjeçari, u ka kërkuar 20.000 lekë për kthimin e celularit, lekë të cilat i ka marrë por nuk e ka kthyer celularin.
Gjatë operacionit shërbimet e Policisë kanë gjetur dhe sekuestruar në cilësinë e provës materiale shumën e parave dhe celularin që ky shtetas i mori dy vëllezërve.
Materialet procedurale i kaluan Prokurorisë, për veprat penale “Vjedhja” dhe “Shtrëngimi me anë të kanosjes ose dhunës për dhënien e pasurisë””, njofton policia.
