Kryetari i Partisë Demokratike, Sali Berisha është ndalur edhe njëherë te lufta e hapur mes kryeministrit Edi Rama dhe kryebashkiakut të Tiranës, Erion Veliaj, pas 4 akuzave të rënda të bëra publike ndaj këtij të fundit nga ana e SPAK.
Në një postim në Facebook, Berisha ka publikuar një video ku janë montuar dy deklaratat publike të Ramës dhe Veliajt për njëri-tjetrin, ku kryeministri i thotë publikisht që do varet në pemë, si shembull që në PS, grupet armiqësore marrin goditjen e duhur, dhe nga ana tjetër, kryebashkiaku që i përgjigjet, se si ka mundësi që zëvëndësi i Ramës, ka bërë gjithë ato pisëllëqe sikurse akuzohet, pa bekimin e kryeministrit.
Postimi i plotë:
Rama: Erion Veliaj mund të dali në televizor sa të dojë, të mbjellë pemë sa të dojë por një ditë në një nga ato pemë do të varet, do të varet si shembull që në këtë parti, grupet armiqësore do vazhdojnë të marrin goditjen e duhur.
Veliaj: Si ka mundësi që nuk i dinte këto udhëheqësi, si ka mundësi që nuk i dinte këto Edi Rama, si mundet që të ndodhi që deri te zëvendësi i tij, t’i bëjë këto pisëllëqe të mëdha ashtu sikurse akuzohet, pa bekimin e kryeministrit?!
