Pas atentatit të Vlorës, ku mbeti i vrarë një 30-vjeçar, Policia e Mirditës ka ushtruar kontrolle në banesat e qytetit të Rrëshenit dhe ka ngritur pika të ndryshme kontrolli në hyrje-dalje të qytetit.
Mësohet se Policia ka shoqëruar një person, i cili do të merret në pyetje në lidhje me dinamikën e ngjarjes së ndodhur mbrëmjen e sotme në Vlorë.
Kujtojmë se vrasja e 30-vjeçarit ndodhi vetëm pak orë më parë në autostradën Fier-Vlorë, ku automjeti i tij u qëllua me armë zjarri.
Policia vijon punën për zbardhjen e ngjarjes së rëndë, por deri më tani është mundur të zbulohet se targat e automjetit të përdorur nga autorët kanë qenë të vjedhura. Automjeti i tyre u gjet i djegur vetëm 300 metra nga vendi ku ndodhi vrasja.
