Gjendja e efektivit të policisë rrugore që dyshohet se u vetëhidh nga lartësia në Tiranë është stabilizuar. Ai vazhdon të qëndrojë në reanimacion në spitalin e Traumës.
Ngjarja ka ndodhur më datë 15 janar 2025, në rrugën ‘Kongresi i Manastirit, teksa efektivi i Rrugores dyshohet se është hedhur nga një pallat 11 katësh në këtë zonë.
Burime bëjnë me dije se fillimisht, Azbi Spahiu ka rënë mbi kabllot e internetit dhe më pas ka përfunduar në tokë.
Efektivi 57-vjeçar është dërguar në Spitalin e Traumës dhe burime bëjnë me dije se ka pësuar dëmtime në shtyllën kurrizore. Efektivi po mbahet nën monitorimin e bluzave të bardha.
Ndërkohë, nuk ka pasur asnjë reagim zyrtar për ngjarjen nga policia dhe Agjencia e Monitorimit AMP, e cila thuhet se e ka marrë në pyetje policin pak më herët se të ndodhte ngjarja.
